إجراء بيهدف لإنقاذ السن المصاب، بدل خلعه. بيتم فيه إزالة العصب واللب الملتهب أو المصاب جوه السن، تنظيف وتعقيم القنوات الداخلية، وبعدين حشوها وغلقها لمنع أي عدوى تانية.
الفكرة الشائعة إن العلاج ده مؤلم مش دقيقة التخدير الموضعي بيخلي الإجراء نفسه غير مؤلم، والألم اللي بيخوّف الناس غالبًا بيكون هو نفسه سبب الزيارة (الالتهاب قبل العلاج)، مش العلاج ذاته.
فيه علامات معينة بتدل إن عصب السن ملتهب أو مصاب، ومحتاج تتحرك بسرعة قبل ما الوضع يتفاقم:
لو حاسس بأي حاجة من دي، الأفضل متأجلش الفحص كل ما اتحركت بدري، كل ما كانت فرصة إنقاذ السن أكبر.
في Top 32، بنتعامل مع الجزء الإنساني من الزيارة قبل أي حاجة تانية، عشان تحس بالراحة قبل حتى ما تقعد على الكرسي. و بيقف وراك فريق طبي بخبرة أكتر من ١٥ سنة، وبنعتمد على أحدث أجهزة التشخيص لتحديد حالة العصب بدقة قبل البدء في العلاج.
مواعيدك جزء من تخطيطنا وبما إن حشو العصب غالبًا محتاج تدخل سريع، بنوفر طوارئ على مدار الساعة لو حسيت بألم مفاجئ. ومش إحنا اللي هنقولك التجربة كويسة، دي شهادة أكتر من ١٥٠٠ ضيف كتبوها بنفسهم على جوجل.
١. الفحص والتشخيص
فحص للسن المصاب مع أشعة لتحديد مدى الالتهاب وحالة القنوات الداخلية.
٢. التخدير الموضعي
تخدير المنطقة بالكامل قبل البدء، فمتحسش بألم أثناء الإجراء.
٣. إزالة العصب الملتهب
فتح صغير في السن للوصول للب المصاب وإزالته بالكامل.
٤. تنظيف وتعقيم القنوات
تنظيف القنوات الداخلية للسن بدقة، والتأكد من إزالة أي بكتيريا أو عدوى.
٥. حشو وغلق القنوات
حشو القنوات بمادة متخصصة لمنع دخول أي عدوى جديدة مستقبلًا.
٦. ترميم السن
تركيب حشوة أو تاج فوق السن حسب حالته، عشان يرجع يقدر يقوم بوظيفته زي الأول.
هل علاج الجذور مؤلم؟
الإجراء نفسه بيتم تحت تخدير موضعي، فمش بتحس بألم وقته. الألم اللي بتحس بيه غالبًا بيكون قبل العلاج، بسبب الالتهاب نفسه.
قد إيه بياخد وقت؟
في أغلب الحالات، جلسة أو اتنين بس، حسب حالة السن ومدى تعقيد القنوات.
هل السن بعد علاج الجذور بيفضل قوي زي الأول؟
السن بيفضل شغال، لكنه بيبقى أكتر عرضة للكسر مع الوقت، فغالبًا بننصح بتركيب تاج فوقه للحماية، خصوصًا في الأضراس.
إيه البديل لو مقررتش أعمل حشو العصب؟
البديل الوحيد غالبًا هو خلع السن، وده بيفتح باب مشاكل تانية زي تحرك الأسنان المجاورة بمرور الوقت.
هل ممكن يرجع الألم بعد العلاج؟
في حالات نادرة، ممكن يحصل ده لو فيه قناة صغيرة اتفوتت أو عدوى رجعت تاني، وهنا بيكون محتاج إعادة تقييم من الطبيب.
تكلفة تكلفة حشو العصب قد إيه؟
بتختلف حسب موقع السن ومدى تعقيد القنوات، وأدق طريقة تعرف بيها هي بعد الفحص.
لو مهتم تواصل معانا وهنوضحلك التفاصيل.