زراعة الأسنان هي حل دائم لتعويض السن المفقود، بيقوم على غرز جذر صناعي (عادة من التيتانيوم) في عظم الفك، مكان جذر السن الأصلي.
الجذر ده بيندمج مع العظم على مدار كام شهر، وبعدين بيتركب فوقه تاج (الجزء الظاهر من السن) بيشبه شكل و وظيفة السن الطبيعي.
الفرق بينها وبين التركيبات التقليدية (زي الجسر أو طقم الأسنان) إنها مش بتعتمد على الأسنان المجاورة كدعامة، وبتحافظ على كثافة عظم الفك بدل ما يبدأ يضمر بمرور الوقت وده بيخلّيها الخيار الأقرب لطبيعة الفم الأصلية.
زراعة الأسنان مناسبة لحالات كتير ومختلفة سواء فقدت سن واحد، عدة أسنان، أو حتى لو محتاج تعويض كامل للفك. الغالبية العظمى من الناس بيكونوا مرشحين مناسبين، والعمر مش عائق طالما الصحة العامة كويسة.
في الفحص الأولي، الدكتور بيشوف حاجتين أساسيتين:
▪️كثافة عظم الفك (من خلال أشعة بسيطة)
▪️وصحة اللثة المحيطة
الطريقة الوحيدة اللي تقولك فعلاً هل الزراعة مناسبة لحالتك هي فحص وأشعة مع الدكتور. أحسن خطوة تبدأ بيها هي استشارة مباشرة، بدل ما تحاول تحدد بنفسك من غير فحص.
مش كل الحالات محتاجة نفس النوع من الزراعة، الاختيار بيعتمد على عدد الأسنان المفقودة وحالة عظم الفك:
القرار النهائي على النوع المناسب بيتحدد بعد الفحص والأشعة، حسب حالة كل مريض.
زراعة الأسنان إجراء بيحتاج دقة، لكن التجربة اللي حواليها كمان بتفرق.
في Top 32 العلاج بيبدأ من لحظة ما تدخل، مش من كرسي الجراحة
يعني التوتر الطبيعي اللي بيحصل قبل أي إجراء بيتقلل من الأول. بيقف وراك فريق طبي بخبرة أكتر من ١٥ سنة، نفذ حالات زراعة لمرضي من كل حتة في العالم، وبنعتمد على أحدث أجهزة التشخيص في تقييم حالتك قبل أي خطوة.
كمان مواعيدك جزء من تخطيطنا، مش تفصيلة ثانوية، بننسّق مواعيد الفريق الطبي مع مواعيد سفر ضيوفنا، وبنوفر طوارئ على مدار الساعة.
ومش إحنا اللي بنقولك تجربة العيادة عاملة ازاي ، دي شهادة أكتر من ١٥٠٠ ضيف كتبوها بنفسهم على جوجل.
١. الاستشارة والفحص
فحص شامل للفم والأسنان، مع أشعة أو سكان ثلاثي الأبعاد لتقييم كثافة عظم الفك وتحديد أنسب نوع زراعة لحالتك.
٢. وضع الخطة العلاجية
بناءً على نتيجة الفحص، بيتحدد عدد الزرعات المطلوبة، مكانها بالظبط، وهل محتاج دعم للعظم قبل الزراعة ولا لأ.
٣. زراعة الجذر الصناعي
تحت التخدير ، بيتم غرز الجذر الصناعي (التيتانيوم) في عظم الفك مكان السن المفقود.
٤. فترة الالتئام والاندماج
دي الفترة اللي بياخدها الجذر عشان يندمج بالكامل مع عظم الفك (بتختلف من حالة لحالة)، وبيكون فيها متابعة دورية مع الطبيب.
٥. تركيب الدعامة والتاج
بعد التأكد من نجاح الاندماج، بيتركب جزء صغير (الدعامة) فوق الزرعة، وبعدين التاج النهائي اللي بيشبه شكل السن الطبيعي.
٦. المتابعة بعد التركيب
زيارات متابعة دورية للتأكد إن كل حاجة ماشية تمام، ونصايح للعناية اليومية بالزرعة زي أي سن طبيعي.
هل زراعة الأسنان مؤلمة؟
الإجراء نفسه بيتم تحت التخدير، فمش بتحس بألم وقت الزراعة. بعد ما يزول مفعول التخدير، ممكن تحس بانزعاج بسيط لكام يوم، وده بيتعامل معاه بمسكنات عادية حسب توجيه الطبيب.
قد إيه بتاخد فترة الالتئام؟
بتختلف من حالة لحالة حسب كثافة العظم وعدد الزرعات، وبيتحدد الجدول الزمني الدقيق بعد الفحص مع الطبيب.
هل فيه سن معين لازم أوصله عشان أعمل زراعة؟
لا، العمر مش عائق طالما الصحة العامة وكثافة العظم مناسبين، القرار بيتاخد بعد الفحص مش بناءً على السن بس.
هل زراعة الأسنان حل دائم؟
مصممة تكون حل طويل المدى، ومع العناية اليومية والمتابعة الدورية بتقدر تستمر لسنين طويلة.
إزاي أعتني بالزرعة بعد التركيب؟
زي أي سن طبيعي تنظيف يومي بالفرشاة والخيط، وزيارات متابعة دورية عند الطبيب.
تكلفة زراعة الأسنان قد إيه؟
التكلفة بتختلف حسب عدد الزرعات ونوعها وحالة كل مريض، وأدق طريقة تعرف بيها هي بعد الفحص المباشر.
لو مهتم تواصل معانا وهنوضحلك التفاصيل.